हराउँदै छु म

शायद म हराउँदै छु 

उद्देश्यलाई सपना सम्झी निन्द्रामै कराउँदै छु 

वर्तमान अकर्मण्यताको परिणामले डराउँदै छु 

आफ्नै खेतको बालीमा वस्तु चराउँदै छु 

चमक हैन म विलीनता मन पराउँदै छु 

साँचै म हराउँदै छु 

*****

शायद म लडखडाउदै छु 

संघर्षका शिंढीहरु जीवन बाट हटाउँदै  छु

कुम्भकर्ण भएर ऐश आराम कटाउँदै छु 

रंगीन आजद्वारा कालो भोलि निम्त्याउँदै छु 

छिर्नु छ सफलताको धोका निरीह पाईला बढाउँदै छु 

छिरे कर्मठहरु म धोका खटखटाउँदै छु 

म त जीवनबाट लडखडाउदै छु 

**********